ჩვენო ძვირფასო მომხმარებლებო, პირველ რიგში, კიდევ ერთხელ გიხდით მადლობას იმ ერთგულების, ნდობისა და სიყვარულისთვის, რასაც ყოველდღიურად ვგრძნობთ თქვენთან ურთიერთობისას. როგორც იცით, ჩვენი კომპანია მაქსიმალურად იცავს ევროპულ დირექტივებს პროდუქციის უსაფრთხოებასთან დაკავშირებით. ამიტომ, თავს ვალდებულად ვთვლით, გაგაცნოთ ,,ბაზარზე ზედამხედველობის სააგენტოს’ მიერ მოწოდებული ინფორმაცია:
დასახელება – ,,ტყლარწი“; ფერი – ფერადი (ბრჭყვიალა დანამატით); პროდუქტთან დაკავშირებული საფრთხეები: ლაბორატორიული კვლევების შედეგად დადგინდა, რომ სათამაშოში ბორის მიგრაცია არის 2116მგ/კგ. ბორი წარმოადგენს კარცეროგენულ, მუტაგენურ ან რეპტოდუქციისთვის. ტოქსიკურ (CMR) ნივთიერებას და მასთან ხშირმა კონტაქტმა შესაძლოა გამოიწვიოს სიმსივნე, მუტაცია ან რეპროდუქციული მოწამვლა. აღნიშნული რაოდენობა 7.053-ჯერ აღემატება საქართველოს მთავრობის 2020 წლის 20 იანვრის N 47 დადგენილების დამტკიცებული ,,სათამაშოების უსაფრთხოების შესახებ ტექნიკური რეგლამენტის” II დანართის მე-3 მუხლის მე-14 პუნქტით დადგენილ დასაშვებ მიგრაციის ზღვარს – 300მგ/კგ-ზე ნაკლები ან ტოლი. (აქვე თვალსაჩინოებისათვის ვურთავთ აღნიშნული პროდუქტის ფოტოს.) დადგენილების თანახმად,
კ ა ტ ე გ ო რ ი უ ლ ა დ მ ო გ ი წ ო დ ებ თ, არ გამოიყენოთ ეს პროდუქტი!!! ასევე – ვიბრუნებთ რეალიზებულ პროდუქტს. (ასეთის არსებობის შემთხვევაში, მიმართეთ შესაბამის ფილიალს. გთხოვთ თან იქონიოთ შესყიდვის ჩეკი).
დასახელება – ხის ქსილაფონი; ფერი – ფერადი ნახატებით; ლაბორატორიული დასკვნით, სათამაშოს, მექანიკური ზემოქმედებისას, ექერცლება ერთ-ერთი , კერძოდ წითელი ფერის საღებავი. დადგენილების მიღებისათანავე, კომპანიის მიერ დაუყოვნებლივ იქნა ამოღებული რეალიზაციიდან აღნიშნული ხის ქსილაფონი.
აქვე ვიტოვებთ უფლებას, და ჩვენი საერთო ინტერესებიდან გამომდინარე, რაც ბავშვის ჯანმრთელობის უსაფრთხოებაზე ზრუნვაში გამოიხატება, გაფრთხილებთ: ნებისმიერი სათამაშოს, განსაკუთრებით კი ტყლარწის შეძენისას, ყურადღებით დააათვალიერეთ, რომ ეტიკეტირებული ქონდეს ყველა საჭირო ინფორმაცია და მინიჭებული EN 71 სერთიფიკატი. ჯანმრთელობას და სიხარულს გისურვებთ თქვენ და თქვენს პატარებს.
